Vllaznia vijon të marrë frytet e lojes së bukur dhe të dominimit teksa arriti fitoren e 2 radhazi dhe të katërtën në 5 sfidat e fundit.
Skuadra e Thomas Brdariç nuk pati probleme dhe nuk e vuri në diskutim asnjëherë fitoren ndaj Skënderbeut në “Loro Boriçi” të mbushur me tifozë edhe pse me temperature të ulëta.
E nisën vrullshëm vendasit takimin teksa në 23’ shenuan menjëherë me Hoxhajn duke mbyllur një aksion shumë të bukur.
Edhe pjesa e dytë foli më shumë për Vllazninë që krijoi sulme të rrezikshme e Skënderbeu që tentoi të rrezikonte me kundërsulm por shkodranët e mbyllën ndeshjen në minutën e 87’ pas një aksioni nga e majta ku Aralica shërbehet mjaft mirë duke shënuar.
Me këtë sukses, Vllaznia arrin Kukësin në vendin e dytë dhe tashmë u bën presion të dyja ekipeve kryesuese, teksa gara për titull është shumë e hapur.
