Në Qarkun e Vlorës, moti i keq ka shkaktuar probleme të shumta.
Përveç përmbytjeve të 11 shtëpive në Novoselë dhe Fitore, si dhe çarjes së digës së Vjosës në Urën e Mifolit, raportohet se gjithashtu është dëmtuar edhe ura e Mesaplikut. Për pasojë rreth 300 banorë mbeten të izoluar dhe mësohet se gjatë natës kanë fjetur në automjete.
Burime bëjnë me dije se gjithashtu është dëmtuar dhe ura e Kallaratit, Llakatundit si dhe ka prezencë uji edhe në aksin nacional Vlorë-Selenicë.