Interi nuk mund të gabonte një ndeshje që e çon në krye të Serisë A për herë të parë këtë sezon. Pas një dominimi deri tani të Milanit dhe Napolit në klasifikim, kampionët në fuqi rikthehen aty ku e kanë vendin me meritë deri tani sepse po bëjnë paraqitje dinjitoze dhe plot me gola.
E tillë ishte edhe sonte sfida me Cagliarin në “San Siro”, ku skuadra e Inzaghit dominoi në çdo aspekt dhe ne fund fitoi 4-0. Lautaro Martinez në 29’ hapi serine e golave e në 44’ humbi edhe një penallti të cilën e shlyen në pjesën e dytë.
Alexis Sanchez shënoi në 50’ pas një asisti të Barella e më pas Çalhanoglu me një gjuajtje të bukur e çoi rezultatin në 3-0.
Për ta vulosur sfidën mendoi sërish Lautaro Martinez në 68’ me një gol shumë të bukur me asist sërish të Barellas.
Me këtë fitore Interi merr kryesimin me 40 pikë duke përfituar nga gabimet e Milanit dhe Napolit teksa bëhet edhe favorite kryesor për titulli.
