Ish-sekretarja amerikane e Shtetit, Hillary Clinton i ka dhënë kryeministrit Edi Rama çmimin “Pionieri Global” për strehimin e afganëve në Shqipëri.
Çmimi i dedikohet njerëzve të shquar që kanë treguar guxim dhe dhembshuri në mbrojtjen e grave dhe vajzave në mbarë botën, raporton ATA, ndërsa raporton më tej se kryeministri Rama u nderua më ketë çmim gjatë një mbrëmje të veçantë, të organizuar me këtë rast, gjatë të cilës u shfaq një dokumentar dhe një mesazh mirënjohës nga gratë afgane që ndodhen aktualisht në Shqipëri, drejtuar Kryeministrit Rama.
Në fjalën e saj, ish-Sekretarja e Shtetit u shpreh se “janë një dorë e vogël udhëheqësish, që u shprehën të gatshëm në një kohë nevoje të madhe. Në krye të kësaj liste është Kryeministri Edi Rama”.
