Lidhja e Donald Veshaj me Beatrix Ramosaj brenda shtëpisë së “Big Brother” ka nxitur reagime të ashpra në rrjet madje u përfshinë edhe shumë personazhe publike të ndarë pro dhe kundër. E gjithë kjo u mor si tradhti ndaj Bora Zemanit, e cila po e priste jashtë për t’u sqaruar pas takimit dhe puthjes që shkëmbyen në “BBV”.
Disa prej fansave të Borës kanë kaluar limitet duke dalë në rrugë e protestuar kundër Donaldit.
Fillimisht fotografia e shpërndarë kudo në rrjet u mor me dyshime dhe të gjithë menduam se ishte një shaka, por në “Fan Club” u bë temë diskutimi dhe u mësua se ngjarja kishte ndodhur vërtetë.
“Donaldi nuk është vlonjat. Është i ardhur nga fshatrat e Fierit”– ishte shprehur një nga të pranishmit në protestë.
