Balla: Presim nga PD të votojë pro zgjatjes së afateve për organet e Vetting

Kryetari i grupit parlamentar të PS, Taulant Balla, në një intervistë për Zërin e Amerikës, tha se socialistët presin që Partia Demokratike të votojë zgjatjen e mandatit të organeve të vetingut, pas rekomandimit të Komisionit të Venecias.

“Pa mbështetjen e PD është e pamundur të kemi vota të mjaftueshme. Nuk duam ta përdorim draft-opinionin e Venecias si presion ndaj opozitës. Në përgjithësi në Shqipëri, të paktën kur opinionet e Komisionit të Venecias kanë qenë të qarta, është një çështje shumë teknike.

Nuk bëhet fjalë për të na votuar këtë dhe ne të votojmë diçka që ata duan. Ne jemi në proces diskutimi me ta. Projektet e opozitës për çështjet territoriale e zgjedhore janë duke u diskutuar. Çështjet e reformës territoriale të diskutohen”, tha Balla.

PD zyrtare nuk ka mbajtur një qëndrim të prerë lidhur me kërkesën për zgjatjen ose jo të afateve të organeve të Vetting dhe negociatat që mund të jenë zhvilluar mes zyrtarëve të grupeve parlamentare të dy partive nuk kanë qenë transparente.

LEXO EDHE  Këmbimi valutor/ Dollari, Euro dhe Paundi britanik shënojnë rënie

Kushtetuta parashikon përfundimin e mandatit të KPK në qershor 2022, ndërsa më pas rolin e Komisionit të Paravarur të Kualifikimit e luajnë KLP për prokurorët dhe KLGJ për gjyqtarët. Por nga diplomatë të akredituar në Tiranë është mbështetur opsioni i shtyrjes së afateve kohore, por nuk dihet nëse KPK do të vijojë me të njëtat trupa gjykuese, nëse shtyhet mandati, apo do të ketë rikonfigurime. Deri më tani procesit të Vetting i janë nënshtriar rreth 2/3 e trupës së drejtësisë.