Presidenti Ilir Meta ka uruar 9 anëtarët e rinj të KED të cilët u përzgjodhën sot me short në Presidencë.
Meta ka vënë theksin se transparenca me të cilën kaloi ky proces.
“Me transparencë të plotë, në prani të përfaqësuesve të të gjitha institucioneve të përfshira në proces dhe me pjesëmarrjen e mediave të interesuara, që transmetuan live gjithçka, zhvilluam sot në Institucionin e Presidentit të Republikës procedurën e hedhjes së shortit për zgjedhjen e anëtarëve të Këshillit të Emërimeve në Drejtësi, që do të funksionojë përgjatë vitit 2022. Ju uroj anëtarëve të sapozgjedhur të Këshillit të Emërimeve në Drejtësi, shumë suksese dhe përmbushjen e detyrës, me përgjegjësi dhe integritet të lartë, ashtu siç ligji dhe Kushtetuta sanksionon”, shprehet Meta në reagimin e tij kreu i shtetit.
Duke nisur nga 1 janari i vitit të ardhshëm, Këshilli i Emërimeve në Drejtësi do të drejtohet nga anëtari i Gjykatës së Lartë Sokol Binaj.
Gjatë shortit të hedhur në Presidencë janë përzgjedhur në mënyrë rastësore 9 anëtarët e rinj, të cilët do të ushtrojnë mandatin e tyre përgjatë 2022.
