Ish-sulmuesi i Bayern dhe Milanit sulmon Messin: Nuk e meritonte “Topin e Artë”, ka 5 muaj që nuk din të luajë futboll

Foto: Football Espana

Jean-Pierre Papin, ish-sulmues i Marseilles, Bayern Munich, Milanit dhe ndër të tjera dhe fitues i “Topit të Artë” në vitin 1991, është shprehur kundër fitimit të Topit të Artë nga Messi.

“Ai nuk ka luajtur për pesë muaj. Pashë që po flitej për të dhe sinqerisht nuk e kuptoj pse. Që kur fitoi Kupën e Amerikës çfarë ka bërë Messi në Paris? Ai shënoi një gol në ligë, tre në Ligën e Kampionëve”.

“Nuk kam asgjë kundër tij, ai është një nga lojtarët më të mirë në histori, por këtë vit, nuk e meriton. Zgjedhja e Messit në 2021 do të nënkuptonte zhvlerësim të ‘Topit të Artë’ sepse do të thoshte që ne nuk u japim më mundësi lojtarëve të tjerë cilësorë për ta fituar trofeun. Dhe ju e dini se sa e vështirë është të jesh më i miri për një sezon të tërë. Kjo nuk është normale”, u shpreh ish-sulmuesi dhe ish-fituesi i Topit të Artë.

LEXO EDHE  Interi mposht Venezian me ‘frymën’ e fundit (Video)