Deputeti i PD, Belind Këlliçi deklaroi se Lulzim Basha po e trajton partinë si një pronë të tij, duke refuzuar se ka një krizë për shkak të vendimit të tij ndaj ish-kryeministrit Sali Berisha.
Këlliçi thekson se nuk e sheh partinë si të përçarë, por sipas tij, 99% e demokratëve mbështesin Berishën, ndërsa vetëm 1% Bashën.
“Basha refuzon se në PD ka një krizë dhe për shkak të një vendimi të tij sot ndodhet në një moment krize. Ajo çfarë është kërkuar nga FRPD është kërkuar që kriza që kemi të drejtohet në institucioni.
Ai duhej të ishte i pari që të kërkonte mbledhjen e Kuvendit. Mos të gënjejmë sikur PD është në një moment normal, por është në krizë dhe Basha duhej të vinte i pari dhe të sqaronte arsye pse e mori vendimin, planin sesi do sjell PD në pushtet. PD e kanë dëmtuar të dy bashkë, Berisha dhe Basha.
Të dy e kanë mbajtur të mbyllur. Sot që ne flasim ka një krizë mes dy lidershipeve. Nuk ka çarje, 99% të demokratëve në një anë dhe 1% të demokratëve në anën tjetër. Demokratët e kanë mbështetur Bashën në këto 8 vite në çdo aksion tek djegia e mandateve që s’ka ndodhur kurrë.
I është dhënë mundësia për të fituar, jo vetëm që nuk është fituar, por disfata nuk mund të shitet si fitore. Basha i cili ka vetëm vulën dhe refuzon të njoh krizën. Kryetar s’të bën vula por njerëzit, mbështetja, jo manipulime. Në ka një person që po hiqet sikur është pronar i PD-së është Basha. Foltorja është i vetmi mjet ndryshimi në PD”, tha Këlliçi.
