Është mbyllur në barazim pa gola pjesa e parë mes Skënderbeut dhe Tiranës. 45 minutësh kryesisht i vakët nga të dyja skuadrat teksa ekipet nuk rrezikonin me daljet përpara, megjithëse ngacmimet në portat kundërshtare nuk kanë munguar.
Rastin e parë të mirë për shënim e patën vendasit, aty ku Dumfur provon të kapë në befasi Bekaj, por gjuajtja e sulmuesit të korçarëve përfundon mbi kuadrat.
Tirana provon të përgjigjet me anë të Seferit në minutën e 18-të, i cili godet me kokë por topi devijohet nga portieri Bekim Rexhepi.
Ndërkohë në minutën e 40-të, loja ndërpritet për pak çaste pas hedhjes në fushë të disa fishekzjarrëve.
Me rifillimin e takimit, skuadrat nuk rrezikojnë, ndërsa I drejtohen dhomave të zhveshjes me rezultatin e bardhë 0-0.
