Tentoi të rrëmbente një person për borxhet, arrestohet 34-vjeçari

Policia e Vlorës ka arrestuar një person të shpallur në kërkim. Blutë bëjnë me dije se u bë arrestimi i personit në kërkim me iniciale S.S., 34 vjeç, banues në fshatin Armen, Vlorë.

Ndalimi i tij u bë pasi Gjykata e Apelit Vlorë, me vendimin e datës 16.04.2021, i ka caktuar masën e sigurisë “Arrest në burg” për veprën penale “Armëmbajtja pa leje”.

Gjithashtu ai dyshohet se në datën 03.11.2021, në bashkëpunim me S.J., i ndaluar më herët nga Policia, kanë tentuar të marrin në makinë forcërisht A.S..

LEXO EDHE  “Do ta shihni se çfarë do ju bëj kur të hiqni uniformat”, shqiptari i bën presion 3 policëve

Ngjarja ka ndodhur më 16 nëntor. Shtetasi me iniciale S.S ka tentuar së bashku me S.J të fusin në makinë A. S. pasi e goditën disa herë me shkelma dhe grushte. Gjithçka ka ndodhur për një borxh që A.S i ka dy personave tashmë të arrestuar nga policia.