Krahas ligjit klientelist për investimet strategjike, qeveria ka shpikur një tjetër nismë për të piketuar dhe kaluar në duart e të njëjtit rreth klientësh pronat dhe pasuritë e fundit publike që kanë mbetur. Bëhet fjalë për Korporatën Shqiptare të Investimeve. Në krye të korporatës Edi Rama ka vendosur zonjën Elira Kokona, e gatshme për çdo operacion korruptiv me paratë dhe pasuritë publike.
Përpos projekt-propozimeve të kundraligjshme për zonat prioritare (pronat shtetërore) për ‘t’u zhvilluar’ dhe keqmenaxhimin financiar, Elira Kokona e ka kthyer Korporatën në një bankë shtetërore, duke dhënë hua, jashtë korrnizës ligjore. Kontrolli i Lartë i Shtetit ka audituar veprimtarinë e Korporatës Shqiptare të Investimeve për periudhën 2021-2023, ku përpos të tjerave, ka kostaruar se Korportata i ka dhënë 2 miliardë lekë hua Albcontol në nëntor të vitit 2023 për shkak të bllokimi të llogarive bankare të Albcontrol, për detyrimet që ka shteti shqiptar nga vendimet e Gjykatave të Arbitrazhit.
Sipas raportit të KLSH, një vit më vonë (6 nëntor 2024) Elira Kokona i ka kërkuar Albcontol kthimin e huasë, por kompania publike për shëbrimin e fluturimeve Albcontrol i ka kërkuar Korporatës shtyrjen e afatit për kthimin e borxhit me një vit. Huaja 2 miliardë lekë është marrë nga Albcontrol kur administratore ishte Laureta Omeri, ndërsa kërkesa për shtyren e afatit për kthimin e shumës është bërë nga administratori aktual Dritan Isaku.
Zonja Omeri ka ndarë miliona euro me kontrata fiktive me Elvis Myftarin, pjesë e dosjes së SPAK për Benet Becin, ndërsa Dritan Isaku po ndan miliona euro me një një ‘usta’ në Tiranë, i cili si Bashkim Ulaj përdor letrat e kompanisë amerikane dokumentet e firmës Leidos, Inc.
Ndërkaq, Albcntrol ka nisur të marrë borxh, me sa duket sipas direktivave të qeverisë, për të kamufluar shlyerjen e gjobës së rëndë që ka vendosur Gjykata Ndërkombëtare e Arbitrazhit kundër qeverisë shqiptare, në favor të biznesmenit italian me natyrë mafioze Francesco Becchetti, për konfiskimin e paligjshëm të televizionit Agon Channel nga autoritetet shqiptare në vitin 2015.
Edhe pse Edi Rama ka deklaruar disa herë se Francesco Becchetti do marrë ‘noc rrokun’, faktet tregojnë se ‘noc rroku’ do t’u mbetet taksapaguesve shqiptarë, të cilët jo vetëm që po paguajnë 108 milionë eurot e caktuara nga gjykata si dëmshpërblim për shkeljen e të drejtave të biznesmenit italian nga qeveria shqiptare, por me gjasa, po paguajnë edhe interesat shtesë.
Në kushtet kur qeveria nuk po e shlyen detyrimin ndaj Becchetti-t, kanë nisur masat shtrënguese dhe forma të tjera për ekzekutuar vendimin e gjobës. Janë bllokuar llogaritë e Albcontrol. Kompania publike Albcontrol gjendet aktualisht në rrezik falimenti si pasojë e faktit që nuk është në gjendje të tërheqë të ardhurat e saj nga shërbimet e shitura për shkak se gjykatat belge kanë pranuar kërkesën e Becchettit për të bllokuar llogaritë e saj për të shlyer dëmshpërblimin që Gjykata e Arbitrazhit i ka dhënë atij.
Në dhjetor të vitit 2023, qeveria i akordoi Albcontrol një hua me vlerë afro 30 milionë euro pa dhënë shpjegime. Huaja lidhet me pamundësinë e Albcontrol për të kryer operacionet e zakonshme në kushtet e bllokimit të llogarive. Para se qeveria të jepte huanë, Albcontrol mori edhe huanë tjetër nga Korporata e Investimeve. Një burim brenda Albcontrol tha se kompania publike e shërbimit të fluturimeve ka marrë edhe hua të tjera nga institucione publike, për të mbuluar gropën e gjobës për biznesmenin italian./Prapaskena
