“I mbylli gojën dhe hundën me shirit, pastaj e goditi me thikë”, detaje nga vrasja e 10-vjeçarit nga i ati

Detaje të reja janë publikuar nga media italiane, lidhur me vrasjen e vogëlushit Matias nga i ati i tij polak, Mirko Tomkow.

Autori i dyshuar i krimit u arratis nga spitali COVID dhe shkoi në banesën e ish-bashkëjetueses së tij shqiptare, ku vrau të birin.

“44-vjeçari polak i dehur, fillimisht i mbylli gojën dhe hundën djalit të tij 10-vjeçar me shirit dhe më pas e goditi për vdekje me një thikë kuzhine”, shkruajnë mediat italiane.

Dyshohet se vrasja e djalit ishte hakmarrje e polakut ndaj ish-bashkëshortes së tij, Mariola Rapaj, 35-vjeçares shqiptare, të cilën e konsideroi fajtore për urdhrin e largimit ndaj tij nga shtëpia të lëshuar në shtator nga gjykata.

LEXO EDHE  Shi, borë dhe viktima, stuhia “Arwen” sjell shkatërrim në Britaninë e Madhe

Prokuroria nuk ka dyshime se polaku veproi i vetëm dhe për këtë arsye pritet që hetimet të mbyllen shpejt për të dënuar autorin që i mori jetën djalit të tij, i cili i hapi derën e shtëpisë, por 44-vjeçari e goditi për vdekje me thikë.