Një shqiptare 51-vjeçare e identifikuar si Mide Andreu ka vrarë me thikë kuzhine një italian 68-vjeçar pasi ky i fundit e ngacmonte vazhdimisht.
Mediat italiane bëjnë me dije se shqiptarja e martuar dhe me fëmijë kishte tre vite që punonte si pastruese një herë në javë në shtëpinë e viktimës, i identifikuar si shtetasi Antonio Amicuccit.
Raportohet se ajo nuk mundi të duronte më ngacmimet e tij dhe e qëlloi disa herë me thikë në gjoks.
Më pas e përlotur ajo bëri thirrje për ndihmë. Mësohet se ambulanca ka mbërritur në vendngjarje po burri nuk mundi t’u mbijetojë plagëve të marra.
Mide Andreu ka rrëfyer në prokurori si ndodhi ngjarja, ndërsa shprehet se nuk kishte për qëllim ta vriste.
