Kryedemokrati Lulzim Basha foli hapur dhe me tone të prera lidhur me faktin se nuk do të flasë asnjëherë lidhur me atë, nëse ka apo jo prova DASH kundër Berishës dhe se kryersore sipas tij ishte gjetja e rrugës për të mos përjashtuar Berishën pas kërkesës së SHBA, por për t’a pezulluar deri në zgjidhjen e çështjes në Paris. Basha tha gjithashtu se Berisha faktoi që nuk vë interesat e partisë përpara atyre personale. Këtë gjë, tha Basha, Berisha ia ka deklaruar edhe pas diskutimeve prej tre muajsh, ku ai tha, se u përpoq për të bindur Berishën të jepte dorëheqjen, apo edhe të mund të gjente një zgjidhje.
“Nuk komentoj as vendimet e SHBA dhe as supozimet për prova dhe dosje. Është përgjegjësi politike, e imja. Jam votuar nga një anëtar një vot dhe do të ishte e Sali Berishës nëse do të ishte ulur në atë karrige dhe të jesh i sigurtë se do t’a kishte marrë sa hap e mbyll sytë. Ajo që SHBA-të kërkuan për largimin plotësishtë nga skena politike e Berishës rezultoi të shkonte në një pezullim dhe kjo vetëm nga unë. Bëra përpjekje maksimale për të respektuar Berishën. Nuk ka rëndësi se çfarë mundësie kisha unë apo Edi Rama, kur SHBA-të erdhën me këtë kërkesë. Duhet të jesh idiot të mos e kuptosh këtë. Dhe nga ana tjetër, të bëja gjithçka të lehtësoja mbajtjen e premtimit të Berishës që tha se nuk do të përfshinte partinë. Pse të mos presim deri sa çështja të përfundonte në Paris”.
