Nishani: Rama-Basha, bashkëpunuan për asgjesimin e pluralizmit

Bujar Nishani, ish-President dhe ish-Kreu i Këshillit Kombëtar të PD, akuzon Kryeministrin Edi Rama dhe kreun demokrat Lulzim Basha për konsumimin e një akti shumë të rëndë, që sipas tij, është asgjesimi i pluralizmit në Shqipëri.

Nishani shkruan se ky akt është më i rëndë se korrupsioni, mashtrimi apo paaftësia.

“Bashkëpunimi mes tyre në këtë akt, e rëndon edhe më shumë peshën e dëmit dhe përgjegjësisë që ju takon të paguajnë.

Ky akt i rëndë qëndron jo thjesht tek fakti se u ideua, planifikua dhe nisi kundra Partisë Demokratike të Shqipërisë, e cila pëfaqëson gjysmën e elektoratit shqiptar, por më së shumti tek malinjiteti i modelit të “fasadë opozitës”, të opozitës në mëshirën e fatit që cakton pushteti, të konceptit se shqiptarët janë qënie të “klasit të dytë””, shkruan Nishani.

Postimi nga Bujar Nishani

Edi Rama dhe Lulzim Basha kanë bërë një akt shumë të rëndë !

LEXO EDHE  Oriola Pampuri: Ne kemi çuar në SPAK të gjithë shkelësit, çështjet ngecën aty

Më i rëndi i bërë prej pushtetarësh në periudhën post diktatoriale të Shqipërisë.

Më të rëndë se paaftësia, më të rëndë se korrupsioni, më të rëndë se mashtrimi !

Edi Rama dhe Lulzim Basha kanë organizuar e tentuar asgjesimin e alternativës politike në Shqipëri, dimensionin real të pluralizmit politik.

Bashkëpunimi mes tyre në këtë akt, e rëndon edhe më shumë peshën e dëmit dhe përgjegjësisë që ju takon të paguajnë.
Ky akt i rëndë qëndron jo thjesht tek fakti se u ideua, planifikua dhe nisi kundra Partisë Demokratike të Shqipërisë, e cila pëfaqëson gjysmën e elektoratit shqiptar, por më së shumti tek malinjiteti i modelit të “fasadë opozitës”, të opozitës në mëshirën e fatit që cakton pushteti, të konceptit se shqiptarët janë qënie të “klasit të dytë”.

Ky akt i ulët është i pafalshëm !

Të ringremë PD, që të shpëtojmë Shqipërinë !