A duhet të dalë menjëherë Fifi nga “Big Brother VIP”?

Foto: Big Brother

Nga Anduela Laçi

Këngëtarja Filloreta Raçi, e njohur ndryshe si Fifi, humbi ndjenjat mbrëmjen e djeshme gjatë spektaklit live të “Big Brother VIP”, pas një debati me opinionisten Balina Bodinaku. Ajo kërkoi të dilte nga shtëpia, por pak minuta më vonë, pasi e mori disi veten, Fifi ndërroi mendje dhe tha se do vazhdojë të luftojë për t’i bërë krenarë nipin dhe mbesën.

Moderatorja Arbana Osmani njoftoi se pas spektaklit këngëtarja do t’i nënshtrohet një kontrolli mjekësor dhe psikologjik për të parë nëse do jetë në gjendje ta përballojë bashkëjetesën në shtëpi me banorët e tjerë.

Por a janë banorët e tjerë në gjendje të përballojnë jetesën në një shtëpi me Fifin, ku cënohet liria e tyre e mendimit dhe shprehjes? A jemi të gatshëm ne si publik që të ndjekim një “reality show” të tillë ku banorët e tjerë duhet të mendohen 100 herë para se të flasin me Fifin dhe ti shprehin asaj mendimin e tyre apo edhe ta kritikojnë kur e dinë mjaft mirë si do jetë reagimi i saj?

Banorët u shprehën se Fifi ka nevojë për kurim dhe ata nuk e dinin nëse do ishin në gjendje të ruheshin dhe të bënin kujdes me fjalët gjatë çdo diskutimi me Fifin kur e dinë reagimin e saj dramatik.

Një konkurrente e cila ka treguar se ka vuajtur nga depresioni dhe i gjuante vetes me tenxhere, një konkurrente e cila nuk pranon kritika dhe mendime ndryshe nga i saji, një konkurrente e cila mendon se ka të drejtë vetëm ajo dhe gjithë të tjerët e akuzojnë dhe kritikojnë padrejtësisht, nuk e ka vendin aty!

LEXO EDHE  “Prisja një shenjë”, diskutohet marrëdhënien e Borës dhe Donaldit në BBV

Një puthje në buzë mes Sarës dhe Pajtimit (Dj PM) ka shkaktuar debate të ashpra në shtëpi, ku më e pakënaqura duket se ka qenë Fifi. Ajo reagoi ashpër pasi dëgjoi se dyshja kanë shkëmbyer një puthje në buzë dhe nuk i la ta shijojnë momentin e tyre dhe gjithë atë romancë e ktheu në një dramë ku protagonistja kryesore u bë vetë ajo.

Por fundja kush është Fifi? Një vajzë që mesa duket nuk do të shohë të tjerët të lumtur dhe të dashuruar, por do vëmendjen e të gjithëve nga vetja dhe pasi nuk arrin atë që do, stresohet dhe arrin në gjendjen që të gjithë e pamë dhe u shokuam.

Një konkurrente që e ka thënë me gojën e saj: “Unë kam vuajtur nga depresioni gjashtë vite, i kam rënë vetes me tenxhere, me tigan, kam pasur probleme dhe kam pirë ilaçe për qetësim” nuk duhet të qëndrojë asnjë sekond më shumë në një lojë të tillë psikologjike si “BBV” ku ka emocione dhe debate shumë të forta ose duhet të mos çuditemi kur të shohim situata të tjera akoma edhe më shokuese.