Debate të shumta kanë shoqëruar mbledhjen e përbashkët të Këshillit për Legjislacionin dhe Komisionit për Çështjet Ligjore, Administratën Publike dhe të Drejtat e Njeriut, ku po diskutohen ndryshimet kushtetuese të propozuara nga PD.
Më konkretisht pika që ka shkaktuar debatet ishte vettingu i politikanëve, për të cilën kreu i SPAK, Arben Kraja, kërkoi që të mos përfshihej Prokuroria Speciale, duke e konsideruar një proces të shtuar në veprimtarinë e këtij institucioni.
Teksa deputeti Enkelejd Alibeaj, parashtronte pyetjet e tij për kreun e SPAK, Arben Kraja, ka ndërhyrë deputetja e PS-së, Ermonela Felaj e cila ka kërkuar që pyetjet të jenë specifike dhe jo analiza.
Por një përgjigje e ashpër ndaj Felajt ka ardhur nga deputeti demokrat Gazment Bardhi.
Pjesë nga debate:
Ermonela Felaj: Kërkoni të dhëna sasiore.
Enkelejda Alibeaj: Këto diskutime janë të rëndësi.
Gazment Bardhi: Ermal Pishtari është patronazhisti i zotit Kraja, nuk jeni juve, Ju jeni Ermonela.
Ermonela Felaj: Sado që ti mund të jesh subjekt i veprës penale.
Gazment Bardhi: Po lere veprën penale. Ti je hajdute kokë e këmbë, vjen këtu, na tregon ne rregulloren. Po na le rehat. Na ndërhyn këtu. S’keni nevojë të ndërhyni.
