Elseid Hysaj merr gjobë të majme nga ish-ekipi i tij

Shkodrani Elseid Hysaj është gjobitur nga ish-klubi i tij Napoli. Hysaj është gjobitur me një shumë prej 40 mijë euro ndërkohë që do të paguaj edhe tarifën e gjyqit të hapur nga Napoli që ka vlerën e 3500 euro.

Napoli kishte ngritur një padi për lojtarin e kombëtares sonë për arsye se ai nuk kishte pranuar në vitin 2019 të grumbullohej me ekipin pas humbjes ndaj Salzburg.

LEXO EDHE  Hamilton fiton në Arabi dhe barazon Verstappen, titulli vendoset në garën e fundit

De Laurentis, bosi i klubit italian kishte kërkuar që të gjithë lojtarët të qëndronin në një hotel por Hysaj e kishte refuzuar këtë gjë. De Laurentis është revoltuar shumë me shkodranin për arsye se fjala e tij duhej dëgjuar nga të gjithë lojtarët e Napolit.