Kombëtarja shqiptare është në grumbullim për ndeshjen e 26 marsit ndaj Polonisë, e vlefshme për “Play-Off”-in e Botërorit 2026.
Kapiteni Elseid Hysaj ka folur sot para mediave, duke shprehur bindjen se kuqezinjtë do të japin maksimumin për të arritur një kualifikim historik.
Hysaj theksoi se, pavarësisht mungesës së minutave te Lazio, kur vjen te Kombëtarja ndjesia është krejt tjetër. “Polonia ka lojtarë me shumë emra, por fitorja është mundësia e vetme për të kapur Botërorin, shansi të tregojmë veten” u shpreh ai.
Kapiteni e cilësoi ndeshjen si shumë të vështirë, por shtoi se ekipi është i motivuar.
“Jemi të kënaqur që kemi arritur ‘Play-Off’. Kërkojmë të shkojmë në Botëror për Shqipërinë dhe tifozët. Duhet të japim gjithçka në Varshavë.”
Edhe pse ka pasur dy vite me pak hapësira në klub, Hysaj tha se Kombëtarja është tjetër gjë.
“Kam bërë gjithçka për Shqipërinë dhe do e bëj sërish. Është krenari të luash për fanelën kuqezi, sidomos në një ndeshje kaq të rëndësishme.”- tha ai.
