300 euro për person nga Konispoli në Tiranë, arrestohen transportuesit e refugjatëve /VIDEO

Katër persona janë arrestuar nga policia në urën e Kranesë në Sarandë, pasi u kapën duke transportuar refugjatë me makina.

Në pranga u vunë E.S.,19 vjeç, K.R., 20 vjeç, E.D., 21 vjeç dhe K.M., 23 vjeç, banues në Tiranë.

“Këta shtetas, në bashkëpunim me njëri-tjetrin, kishin marrë në Konispol, në afërsi të kufirit të gjelbër me shtetin grek, 6 shtetas sirianë që kishin hyrë në mënyrë të parregullt në vendin tonë, me qëllim transportimin e tyre në drejtim të Tiranës, kundrejt pagesës 300 euro, me destinacion final vendet e BE-së”, njoftoi policia.

“Në kuadër të operacionit, në urën e Kranesë, është bërë bllokimi i dy automjeteve dhe arrestimi në flagrancë i shtetasve të lartpërmendur. Në cilësinë e proves materiale janë sekuestruar dy automjete të marra me qira në Tiranë, 6 aparate celulare dhe një shumë parash”, shtuan të njëjtat burime.

LEXO EDHE  Moti/ Ja sa pritet të zgjasë i ftohti polar

Në bashkëpunim me Prokurorinë vijon puna për dokumentimin e plotë të ngjarjes, kapjen dhe vënien përpara përgjegjësisë ligjore të personave të tjerë të dyshuar të implikuar në këtë veprimtari kriminale, dnëra materialet për hetime të mëtejshme i kaluan Prokurorisë pranë Gjykatës së Shkallës së Parë Sarandë, për veprën penale “Ndihma për kalim të paligjshëm të kufijve” kryer në bashkëpunim, mbyllet njoftimi i bluve.