Tragjedia e shqiptarëve në Bullgari, 8 nga viktimat ishin pjesëtarë të një familjeje

Të paktën 45 pasagjerë nga 52 që ishin në total në autobusin e kompanisë “Besa Trans” humbën jetën në një prej autostradave në Bullgari, teksa udhëtonin nga Turqia drejt Maqedonisë së Veriut.

Tragjedia u shkaktua nga zjarri që përfshiu autobusin, që ishte nisur nga Stambolli. Pjesa dërrmuese e viktimave ishin shqiptarë të Maqedonisë së Veriut, të cilët jetonin jashtë.

Deri më tani janë të paqarta shkaqet që çuan në këtë tragjedi, por është i çuditshëm fakti se si mjeti u dogj aq shpejt duke mos i dhënë asnjë shans udhëtarëve që të dilnin. Për fat të mirë, prej flakëve shpëtuan 7 persona, të cilët po marrin trajtim mjekësor në Bullgari.

LEXO EDHE  GJKKO kthen për plotësim dokumentash dosjen e SPAK për kryebashkiakun e Mallakastrës

Bazuar në listën e publikuar të viktimave, 8 janë nga familja “Jahi”. Në autobus ndodheshin Amiet Jahi; Senije Jahi; Ajla Jahi; Omer Jahi; Ergin Jahi; Razije Jahi; Ramiz Jahi dhe Belma Jahi.

Ndërkohë familja “Iseni” ka humbur katë anëtarë të saj. Ata janë Fikrije Iseni; Anisa Iseni; Hamdi Iseni dhe Mexhide Iseni.