Shehaj verifikoi firmat e delegatëve, reagojnë degët 5 dhe 7 të PD: Show për protagonizëm personal

Përmes një deklarate të bërë publike nga Partia Demokratike, degët nr 5 dhe 7 të saj në Tiranë, e konsiderojnë si show mediatik, procesin e verifikimit të firmave të delegatëve të Kuvendit Kombëtar, nga deputeti Agron Shehaj, i cili është edhe drejtues politik në këto dy degë.

“Show mediatik i Agron Shehajt me demokratët konfirmoi se interesi i tij i vetëm është protagonizmi personal. Agron Shehaj dështoi të verifikojë firmat e demokratëve, sepse ai as nuk e njeh bazën e partisë, as nuk e respekton atë”, thuhet në një deklaratë zyrtare.

Në vijim theksohet se si drejtues politik i degëve 5 dhe 7 në Tiranë, Agron Shehaj nuk ka bërë asnjë takim me demokratët që prej ditës që u zgjodh deputet.

LEXO EDHE  Tiranë/ Dhunohet nga bashkëshorti, gruaja tenton vetëvrasjen

“PD në degën 5 dhe 7 në Tiranë e kudo ka vendosmërinë për të mos lënë demokratët në baltë dhe të mos lejojë nëpërkëmbjen e dinjitetit të tyre.

Ne jemi në krah të demokratëve dhe interesit të Shqipërisë, me misionin e vetëm për rrëzimon e regjimit të Edi Ramës dhe rikthimin e PD në pushtet”, thuhet në deklaratën e bërë publike nga PD.