Berisha akuza të forta Bashës: A ke ndarë para më Taulant Ballën?

Nga Mati, ish-kryeministri Sali Berisha bëri një deklaratë të fortë për Lulzim Bashën dhe Taulant Ballën, lidhur me çështjen e ‘Toyota Yaris’.

Berisha i kërkoi Bashës që të dalë dhe të tregojë nëse ka ndarë apo jo para me Taulant Ballë, kur doli dhe paralajmëroi mbërritjen e 5 mln euro në Portin e Durrësit.

Është e vërtetë që i ka përmendur Toyota Yaris në Parlament, por është e vërtetë që ai e mban peng. Prandaj, Lulzim Basha dil dhe sqaro shqiptarët, ndave apo jo para me Taulant Ballën për atë aferë. Na ngrihet një ditë të martë në Parlament dhe thotë se ditën e shtunë do vijnë Toyotat e mbushura me 5 mln euro. I thash ku e gjetë këtë, më informuan tha. Eurot erdhën dhe nuk u kthyen. I them pse nuk u kthyen ato euro pasi t’i njoftove. Ndiqeshin me GPS, tha. Çudi i them. Eurot erdhën në Durrës 1.5 mln euro më pak. Kanë ardhur hetuesit belgë disa herë dhe Basha nuk u shkon që t’i hetojë. Unë dhe demokratët kërkojmë transparencë’, u shpreh Berisha.

LEXO EDHE  Akuzohet se kishte vënë në dispozicion lokalin për lojëra fati, arrestohet pronari në Tiranë