Aksidenti tragjik në Bullgari, pronari i kompanisë turistike: Ende nuk dihen shkaqet

Pronari i kompanisë turistike “Besa trans” ka reaguar për aksidentin tragjik në Bullgari.

Ai tha se nuk e di se çfarë mund ta ketë shkaktuar këtë tragjedi me 45 viktima dhe thekson se ai ka qenë i pranishëm në vendin e ngjarjes që në orën 3 të mëngjesit.

“Nuk e di se si ka ndodhur rasti. Që nga ora 3 e mëngjesit jam në vend të ngjarjes për të marrë informacione nga institucionet bullgare, por deri më tani ende nuk dihen shkaqet”, tha ai për TV 21.

LEXO EDHE  SHÇBA arreston komisarin e “Fast Albania”, ja për çfarë akuzohet

Ngjarja e rëndë ka ndodhur në orët e para të mëngjesit ku një autobus i kompanisë “Besa trans” nga Shkupi, me udhëtarë kryesisht shqiptarë, është rrokullisur dhe ka marrë flakë në Bullgari.

Në aksident jetën e kanë humbur 45 persona dhe janë lënduar 7 të tjerë. Në mesin e viktimave janë edhe 12 fëmijë.