Regjistrimi i adresave të banimit, Çuçi-qytetarëve: Konfirmojini ose s’do të merrni shërbime

Ministri i Brendshëm, Bledi Çuçi njoftoi hapjen e fushatës për regjistrimin e saktë të adresave të shtetasve shqiptarë në sistemin E-Albania. Çuçi bëri me dije se për të gjithë personat që nuk mund të aksesojnë online apo nuk kanë mundësi të përdorin teknologjinë, zyrat e gjendjes civile do të jenë të hapura në ndihmë të qytetarëve. Çuçi tha se nëse qytetarët nuk angazhohen për të konfirmuar adresat e banimit do të ketë edhe kushtëzime si mosmarrja e shërbimeve në gjendje civile.

“Ne do të vazhdojmë të mbajmë të hapura zyrat e gjendjes civile për këdo që nuk ka mundësi të aksesojë online apo të përdorë teknologjinë. Shumë kollaj mund të shkojë në zyrën e gjendjes civile dhe e bën verifikimin shumë kollaj. Me angazhimin e të gjithëve duhet të bëjmë të mundur që çdo shqiptari t’i vendosim një adresë. Këtu pushteti lokal dhe bashkitë kanë një rol të jashtëzakonshëm. Duhet që bashkitë duhet të nxisin qytetarët që nuk kanë akoma një adresë të shkojnë dhe të deklarojnë adresën në gjendjen civile. Çdo shtetas duhet ta ketë një adresë për shumë arsye. E para lidhet me shërbimet, me marrëdhënien që shqiptari ka me shtetin”, tha ai.

“E para nëpërmjet shërbimit postar ku ne kemi marrëdhënien me sistemin gjyqësor, me sistemin arsimor për regjistrimet e fëmijëve në shkolla, me sistemin bankar, me sistemin fiskal. Së dyti, shërbimet e gjendjes civile, certifikata personale, regjistrim lindjeje, certifikatë martese, të gjitha këto shërbime kërkojnë që shtetasi të ketë një adresë sipas sistemit të adresave, të identifikueshme. Në këtë proces ne do t’i vëmë një pikë, do të ketë një fund dhe për këtë kërkohet angazhimi i të gjithëve. Do të vijë një ditë që të paktën shërbimet që ofrohen nga ne, mos të ofrohen pa saktësuar adresën. Nuk do ta marrë më nëse ai nuk saktëson dhe nuk konfirmon adresën sipas sistemit unik. Kështu do ta shtrimë edhe për shërbime të tjera këtë detyrim. Ky proces i rëndësishëm i marrëdhënies me qytetin dhe shtetin të përfundojë. Pasi të jenë saktësuar adresat do lidhen me regjistrin kombëtar të gjendjes civile”, shtoi ai.

LEXO EDHE  “Halli i radhës Yaris”/ Manjani: Bashës nuk ka çfarë ti bëjë as zonja Kim

Çuçi kërkoi nga të gjithë përfshirë kryetarët e bashkive angazhim maksimal për të përmbyllur procesin.