Manja merr vendimin ndaj Alket Hatijas, do të ekstradohet drejt Italisë

Alket Hatija do të ekstradohet në Itali. Nga raportimet mësohet se ministri i Drejtësisë, Ulsi Manja, ka lejuar ekstradimin e Hatijas drejt Italisë.

Hatija u arrestua në 2017 në Berat nga policia shqiptare. Ai ishte i dënuar me 20 vjet burg nga gjykatat e Milanos.

Në fillim Gjykata e Durrësit morri masën e sigurisë detyrim paraqitje. Por, Gjykata e Apelit e riktheu në burg deri në pritje të ekstradimit.

Hatija akuzohet nga Italia për trafikun e rreth 500 kilogramë drogë, heroinë dhe kokainë.

LEXO EDHE  "Mbështes Bashën edhe me pakicë", Bushati-Haxhiut: Në demokraci vendos shumica

“Lidhur me rastin që citoni ne e kemi marrë këtë shqetësim nga qytetari, në portalin ‘Shqipëria që duam.al’. Është rast që ka marrë zgjidhje me vendim të formës dhe nga gjykatat në Shqipëri.

Ministria e Drejtësisë në këtë proces është thjesht zbatuese e vendimeve gjyqësore. Rasti si ky dhe dy të tjera do t’i trajtojmë me palën italiane në nivel tjetër”, u shpreh Ulsi Manja më 9 nëntor.