“Dhimbje koke” për Piolin, shtohen dëmtimet te Milani

Foto/ REUTERS/Alessandro Garofalo

Pas humbjes së parë në kampionat, te Milani nuk ka kohë për të pushuar. Ajo pak shpresë për të qëndruar akoma në Europë, në Champions apo në Ligën e Europës, varet nga ndeshja e së mërkurës ndaj Atletikos së Madridit.

Konstantja e sezonit kuqezi janë dëmtime dhe nuk mund të mungonin as këtë herë. Mungesa e Ante Rebiçit është e sigurt në këtë takim, pasi ai ka pësuar një tërheqje në kofshë e nuk do të mundet të zbresë në fushë përpara dhjetorit.

Gjendja e tij do të monitorohet ashtu si ajo e Fikajo Tomorit, i cili ka një problem në ijë. Mbrojtësi anglez, që mungoi ndaj Fiorentinës, do të vlerësohet nga mjekët kuqezi nëse do të mund të rikuperojë në kohë për këtë takim.

LEXO EDHE  Superiorja/ Nga kartonat tek golashënuesit, ja statistikat e javës së 10

Gjithsesi do të jetë Pioli ai që do të vendosë nëse do të rrezikojë apo jo. Në Spanjë do të mungojë edhe Davide Kalabria, që është ndalur për shkak të një tërheqjeje në pulpë kur ishte me kombëtaren.

Shpresat kalojnë te Romanjoli i sapokthyer nga dëmtimi, sidomos pas “shfaqjes” që ofroi Gabia të shtunën mbrëma. Lajmi i vetëm pozitiv është ai që vjen nga Majk Menja. Ai është stërvitur për herë të parë në portë që nga 13 tetori kur kreu ndërhyrjen kirurgjikale në kyç.

Francezi po lufton me kohën që të jetë i gatshëm përpara fundi të vitit dhe duke parë ndeshjen e fundit të Tatarushanusë, shtohen pritshmëritë për shërimin e tij.