Theu xhamat e Komisariatit të Kukësit, bie në pranga 37-vjeçari

Një 37 vjeçar është arrestuar nga policia e Kukësit ditën e sotme, pasi ka thyer me sende të forta xhamat e Zyrës ne Komisariatin e Policisë Kukës.

Gjithashtu mësohet se gjatë shoqërimit ka kundërshtuar dhe ka tentuar të godasë punonjësit e Policisë.

“Specialistët për Hetimin e Krimeve në Komisariatin e Policisë Kukës arrestuan në flagrancë për veprat penale “Shkatërrimi i pronës”, “Kundërshtimi i punonjësit të policisë së rendit publik” dhe “Goditje për shkak të detyrës” e mbetur në tentativë, shtetasin J. H., 37 vjeç, banues në fshatin Bushat, pasi ka thyer me sende të forta xhamat e Zyrës së Pritjes të Qytetarëve në Komisariatin e Policisë Kukës dhe gjatë shoqërimit ka kundërshtuar dhe ka tentuar të godasë punonjësit e Policisë”, thotë policia.

LEXO EDHE  Vrasja e ish-deputetit/ Zbardhet dëshmia e re e bashkëshortes

Materialet i kaluan Prokurorisë pranë Gjykatës së Shkallës së Parë Kukës, për veprime të mëtejshme.