VIDEO/ A mund të gjendet kompromisi për zhvillimin e 1 Kuvendi të PD? Ja ç´thotë Basha

Kreu demokrat Lulzim Basha, në një intervistë për ABC, tha se Kuvendi Kombëtar i PD më 18 dhjetor nuk do të marrë në shqyrtim vendimin e DASH për shpalljen “non grata” të ish-Kryeministrit Sali Berisha.

Basha tha se në 18 dhjetor do të zhvillohet Kuvendi i demokratëve dhe për demokratët.

“Nëse sot kemi një retorikë përçarëse kundër demokratëve dhe nëse këto kulmojnë me interesa të tjera anti-statutore, atëherë do të zbatohet statuti i kësaj partie”, tha Basha.

Sipas tij, është detyrim politik i çdo demokrati dhe jo më i Kryetarit të partisë, që statuti të zbatohet ndaj cilitdo, përfshi edhe Sali Berishën.

I pyetur nëse kishte ndonjë mundësi për gjetjen e një rruge kompromisi për mos zhvillimin e dy Kuvendeve Kombëtare, Basha tha se ka vetëm 1 Kuvend, i cili do të mbahet më 18 dhjetor.

LEXO EDHE  Mjekët: Sëmundjet e zemrës, pasojat më të shpeshta post-Covid

“Ne nuk e dimë dhe nuk do e marrim vesh se çfarë ka kasaforta. Por ne dimë që Suel Çela, Aqif Rakipi apo Tom Doshi, njerëz të inkriminuar, janë angazhuar me foltoret. Kjo është një arsye më shumë se 18 dhjetori që ti japë një përgjigje çdo tentative për të përçarë demokratët”, tha Basha.

Ai akuzoi Kryeministrin Edi Rama se i ka shkelur syrin njerëzve të krimit të organizuar për t´iu bashkuar Foltores, por Berisha nuk ka reaguar, edhe pse ne kemi denoncuar me fakte dhe prova të padiskutueshme.

“Ne e dimë që Berisha flet me emra dhe mbiemra, por nga goja e tij nuk dëgjohet më emrat e atyre që dhunuan demokratët dhe shqiptarët më 25 prill”, tha Basha.