Tensione këtë në Gjykatën e Fierit ku këtë të Enjte mbahet seanca për masën e sigurisë për Klodian Çalamanin, 38-vjeçarin që vrau 8-vjeçarin Mateo Vasia.
Familjarë të fëmijës janë shfaqur të revoltuar në hyrje të gjykatës, duke kërkuar të jenë të pranishëm në sallën ku do të jepet masa e sigurisë. Fillimisht, ata u futën në ambientet e institucionit me forcë. Por, nuk janë lejuar nga efektivët që ruajnë rendin në gjykatë për shkak se seancat për masat e sigurisë zhvillohen me dyer të mbyllura. Më pas, situata u qetësua disi me familjarët që dolën jashtë ambienteve të gjykatës.
Prokuroria ndërkohë ka kërkuar masën e sigurisë arrest me burg për 38-vjeçarin, i cili ende nuk ka mbërritur në gjykatë, ku janë vendosur forca të shumta policore.
Një prej familjarëve të Mateos, në një prononcim për gazetarët u bëri apel qytetarëve të paraqiten gjykatës për ti mbështetur dhe për të kërkuar drejtësi për 8-vjeçarin.
“Më iku fëmija, mu pre ëndrra në gjysmë. Ta varin”, u shpreh e ëma.
Lexo edhe:
E afërmja e Mateos: Pse mos të varet kryeministër, nesër e bën te dikush tjetër
