E afërmja e Mateos: Pse mos të varet kryeministër, nesër e bën te dikush tjetër

Familjarët e Mateo Vasilut, 8-vjeçarit i cili u vra nga Klodian Çalamani vijojnë të qëndrojnë jashtë ambienteve të Gjykatës së Fierit, ku ditën e sotme është caktuar të zhvillohet seanca për autorin 38-vjeçar.

Një nga të afërmet e djalit bëri apel që autorit ti jepet një dënim kapital, ndërsa kundërshtoi deklaratat e kryeministrit Edi Rama një ditë pas ngjarjes. Ky i fundit tha se dënimi me vdekje nuk shmang ngjarje si ajo e Fierit.

“Të çohet i gjithë populli të bëjë protestë për atë engjëllin e vogël. Të qan qemra se lotët na janë tharë, kemi tre ditë. Asgjë më shumë, vetëm varje për atë monstër, për atë kriminel. Edi Rama thotë s’ka ligj me varje. Po pse mor kryeministër sot e bëri te ne nesër e bën te dikush tjetër”, u shpreh e afërmja e Mateos, i cili u përcoll një ditë më parë në banesën e fundit.

LEXO EDHE  Çani zbulon dy rrugët e Berishës: Ose të shpallë falimentin, ose...

Lexo edhe:

VIDEO-FOTO/ Seanca për masën e sigurisë së Klodian Çalamanit, tensione në Gjykatë