“Del Gaz Bardhi përballë gjithë mediave, që është jurist dhe shumë i talentuar madje, e të lexon Statutin e 2010-ës së Partisë Demokratike! Po jemi në 2021-in! Dikush duhet t’ia tregojë këtyre!”, u shpreh ish-deputeti Klevis Balliu, duke ironizuar deklaratat e një dite më parë të Sekretarit të Përgjithshëm të PD, Gazment Bardhi.
Balliu tha se në 18 Dhjetor ka një anti-Kuvend, që të kujton anti-mitingjet e Ramiz Alisë.
“Eshtë anti-Kuvend sepse ka një rrjedhë logjike: a do të kishte thirrur Kuvend, Lulzim Basha, por të mos ishte thirrur Kuvendi i datës 11?!”, tha Balliu.
Në një intervistë që dha sot në “Kafe Shqeto” për gazetarin Flavio Qarri, Balliu e ka shpjeguar fare thjesht se çfarë përcakton Statuti i ri i PD-së dhe çfarë është kjo amulli firmash më të cilën po e ndërlikon Kryetari Lulzim Basha dhe mbështetësi i tij Gazmend Bardhi, situatën mes dy palëve në parti.
“Unë e ftoj zotin Bardhi dhe zotin Basha të më nxjerrin nenin, gërmën, pikën, numrin në Statutin e Partisë Demokratike ku thuhet që këto firma depozitohen në këtë vend, që depozitohen tek Gaz Bardhi apo tek Lulzim Basha. Nëse e nxjerrin këtë pikë, unë i pari do t’i mbështes. Të nxjerrin pikën”, tha ai.
