Akuzoi aktorin Michael Weatherly për ngacmim seksual, zbardhet dëshmia e Eliza Dushkut para Komitetit Gjyqësor

Aktorja e famshme shqiptare, Eliza Dushku dëshmoi para Komitetit Gjyqësor të Dhomës së Përfaqësuesve sesi u përjashtua në heshtje nga seriali “Bull” dhe u detyrua të nënshkruajë një marrëveshje për të mos zbuluar detaje. Në vitin 2016, Dushku pati një rol në sezonin e parë të serialit por pretendon se e larguan pasi akuzoi për ngacmim seksual kolegun Michael Weatherly.

Më thanë se roli do të ishte një angazhim gjashtëvjeçar për të luajtur një zonjë të zgjuar, të fortë, një avokate me vetëbesim, me fuqi të lartë që synonte të kundërpeshonte rolin kryesor mashkullor ekzistues dhe se roli ishte shkruar posaçërisht me mua në mendje. Sidoqoftë, në javën time të parë të punës, e gjeta veten pre e sulmeve verbale të ashpra, seksuale dhe të turpshme.

Kam vuajtur pothuajse ngacmime të vazhdueshme seksuale nga kolegu im. Kjo ishte përtej çdo gjëje që kisha përjetuar në karrierën time 30-vjeçare.”, tha aktorja. “Ai më nuhaste dhe më shikonte lart e poshtë. Jashtë skenarit, para rreth 100 anëtarëve të kastit, një herë tha se do të më çonte në furgonin e tij të ‘përdhunimit’ dhe do të përdorte lubrifikim dhe gjëra të gjata mbi mua, do të më merrte mbi gjurin e tij dhe do të më godiste si një vajzë e vogël.

Kisha frikë se nëse unë do të tërhiqesha ose do të reagoja fuqishëm, puna ime mund të rrezikohej, ose mund të dëmtohej reputacioni im profesional”. 

Dushku pretendoi se pasi i kërkoi aktorit të mos bënte komente të tilla, i dërgoi një mesazh kreut të CBS Studios por u pushua nga puna të nesërmen.

LEXO EDHE  Zbulohet shuma marramendëse që Mariah Carey fiton çdo fundviti me këngën e saj të Krishtlindjeve