VIDEO/ Krimi horror në Fier ndaj 8 vjeçarit, u filmua nga një kamera sigurie e vendosur 50 metra larg

Jo vetëm Fieri, por i gjithë opinioni publik, u trondit mbrëmjen e djeshme nga krimi makabër i ndodhur nv fshatin Grecalli, ku një 38-vjeçar, tashmë i arrestuar, vrau dhe groposi në kopshtin e banesës së tij një fëmijë 8 vjeçar.

Monstra Klodian Çalamani vrau fëmijën 8-vjeçar, prindërit e të cilit e mbanin me bukë kriminelin, i cili raportohet se jetonte në kushte të këqija ekonomike.

Ai u arrestua pak pas ngjarjes, ndërsa një kamera sigurie e një banese, raportohet se ka filmuar skenën e krimit dhe ka ndihmuar policinë që të gjejë trupin e pajetë të 8-vjeçarit, që ishte mbuluar me baltë dhe gjethe.

38-vjeçari Klodian Calamani jetonte i vetëm në fshatin Grecalli në një banesë me vetëm një dhomë në kushte shumë të vështira ekonomike. Ai kishte arsim minimal vetëm 4 klasë shkollë.

Hetimet kanë zbuluar se të miturin e fillimisht e ka joshur duke i dhënë biçikletën dhe rreth orës 9:30 e ka futur në oborrin e banesës e më pas e ka qëlluar me një mjet të fortë pas koke.

Pasi humbi jetën fëmija, autori nxitoi të mbulonte gjurmën e krimit duke hapur një gropë rreth 50 cm në bahçen pranë banesës së tij ku fshehu trupin. Në polici pasi ka pranuar krimin ka treguar se ka vepruar i vetëm si për vrasjen e fëmijës ashtu edhe për groposjen e trupit.

Policia ka referuar materialet hetimore në Prokurori për veprën penale “vrasje me dashje e kryer ndaj një të mituri”.

Nga raportimet e ndryshme, thuhet se pas krimit, në një kohë kur prindërit dhe të afërmit e viktimës kërkonin 8 vjeçarin, ai shfaqej dhe i pyeste nëse e kishin gjetur ose jo. Të njëjtin veprim, monstra 38-vjeçar ka bërë edhe kur në fshat ka shkuar policia. Ai ka pyetur disa herë uniformat blu nëse kishin gjetur fëmijën apo jo, çka duket se ka shtyrë policinë që të vendosin 38-vjeçarin në rrethin e të dyshuarve. Më pas kanë qenë pamjet e siguruara nga kamera e një banese, vetëm 50 metra larg shtëpisë së autorit dhe po kaq nga shtëpia e të miturit, që kanë zbuluar se autori i krimit ishte i vetmi që kishte takuar 8-vjeçarin, të cilin e kishte marrë në shtëpinë e tij.

LEXO EDHE  Bie në përrua, humb jetën 58-vjeçari

Fëmija që mbeti viktimë e një monstre, që pavarësisht se ishte me precedentë të mëparshëm penalë, dhe kishte vuajtur një dënim me 4 vite burg se kishte torturuar dhe dhunuar një adoleshente, ishte nxënës në klasën e tretë dhe vlerësohet si një fëmijë i shkëlqyer.

Rezarta Alibeaj, drejtoresha e shkollës 9-vjeçare ku mësonte 8-vjeçari Mateo Vasiu është shprehur e tronditur për ngjarjen që ndodhi mbrëmjen e djeshme në fshatin Gracalli.

“Një ngjarje e rëndë, një ngjarje që ka tronditur të gjithëve. I shprehim ngushëllimet familjes për humbjen e engjëllit të tyre. Ju lutem na mirëkuptoni. Mateo ishte në klasën e tretë, ishte një fëmijë i shkëlqyer”, tregon drejtoresha e shkollës “Thanas Ikonomi”.

Ndërkohë një tufë me lule zëvendësoi Mateon e vogël në bankën e klasës ku sot duhet të ulej për të marrë dije.

Ai do të përcillet sot në banesën e fundit pasi fqinji i tij Klodian Çalamani e vrau dhe e groposi një ditë më parë.