Rama mesazh Brukselit nga Roma: Çfarë ndodh te ne, ndikon menjëherë në Europë

Kryeministri Edi Rama, i cili ndodhet në Itali për një vizitë zyrtare, gjatë konferencës së përbashkët me homologun italian, Mario Draghi, nuk ka kursyer mesazhet paralajmëruese ndaj Bashkimit Europian, lidhur me procesin e integrimit të Ballkanit Perëndimor.

“Folëm edhe për integrimin europian që të çelim një korsi më të shpejtë, që të mund të integrohen sistemet universitare europiane me ato te Ballkanit. Apo sistemet e bujqësisë, inovacionit e të tjera, pa harruar tranzicionin ekologjik. Është një sfidë e përbashkët. S’ka pse të ketë dy korsi të ndara.

Çfarë do që të ndodhë në Ballkan, si në të mirë edhe në të keq, ka një ndikim të menjëhershme në Europë. Është e vetmja me një kufi të jashtëm e të brendshëm”, tha Rama.

Në vijim Kryeministri u shpreh se i është dashur ta mësojë personalisht këtë proces që integrimi europian i vendeve që nuk janë anëtare, është i lidhur me situatën e brendshme të vendeve anëtare.

LEXO EDHE  Ngjarja në Lezhë/ Kush është Alesio, pjesë e bandës së “Audit të Bardhë”

“Ka disa vende të cilat kanë ndjekur vijë të ndryshme, por siç do të thonte Donald Trump, nuk mund ta ndryshojmë këtë. Ne mund të vazhdojmë të bëjmë të njëjtën gjë. Integrimin europian nuk e bëjmë se na e kanë detyruar. Është një pjesë e borxhit që u kemi brezave të rinj. Është pjesë e fatit të Shqipërisë, ka qenë ëndrra jonë dhe e etërve tanë që kanë synuar bregun e përtejmë të detit. Italia është një partner i pazëvendësueshëm me gjithë ndihmën që na jep për të kuptuar më mirë dhe për të ecur më shpejtë ashtu si vendet e tjera mike. Zgjerimi është fati i BE, nëse BE dëshiron të përmbyllë projektin e etërve themelues”, tha ai.