Man.City synon mesfushorin e Barçës, ofron 80 milionë euro

Ndonëse u transferua me bujë verën e 2019-ës nga Ajaxi te Barcelona, Frenkie De Jong nuk po bind dhe mediat spanjolle janë të bindura qe holandezi do të jetë i sakrifikuari i klubit katalan.

Trajneri i ri “blaugrana”, Xavi ka dhënë miratimin për shitjen e De Jong, i cili preferohet shumë nga një tjetër katalan si Pep Guardiola, që do ta mirëpriste krahë-hapur te Manchester City.

LEXO EDHE  Ceremonia e ‘Topit të artë’ LIVE

Këta të fundit janë gati të paguajnë 80 milionë euro për kartonin e De Jong, një shifër kjo që do të përmirësonte ndjeshëm situatën financiare të Barcelonës dhe do t’u jepte mundësi katalanëve të bënin merkato që në janar.