“Pikat mbi i” në News24 ka pasur sot në fokus ngjarjen e rëndë të ndodhur dje në Fier, ku u vra një 8-vjeçar. Duke folur nëse duhet ë rikthehet dënimi me vdekje, siç kanë kërkuar qytetarët për raste të tilla, analisti Artur Zheji tha se çështja është a është i vërtetë dënimi që merr autori i një krimi dhe a e kryen deri në fund, duke iu referuar precedentëve të mëparshëm të autorit të vrasjes Klodian Çalamëni.
Zheji foli për mungesë kontrolli dhe vëmendjeje për persona e dënuar apo me precedentë nga shteti.
“Në të vërtetë jeta e atij djali iku. Në të vërtetë personi që kreu vrasjen, ka krijuar shqetësim shumë të madh për drejtësinë. Çështja nuk është tek dënimi me vdekje, por çështja është a është i vërtetë dënimi që merr dhe a e bën dënimin deri në fund?
Këta njerëz janë njerëz që i kanë shpëtuar drejtësisë. Ti ke të lirë njerëz që janë shumë të rrezikshëm.
Rrezikshmëria e tyre në Perëndim, sidomos në Perëndim këta njerëz observohen shumë gjatë. Ky do ketë qenë një lloj kafshe, një lloj bishe e pandëshkueshme dhe vëmendja e shtetit ka qenë e papranishme. Ky kafsha është toleruar sepse nuk ka një kontroll të territorit nga ana e administratës dhe nga psikologët.
Ne tallemi me ekspertizat, që përcakton nëse është përsëritës apo kreu një faj të kalueshëm në gjendje të caktuar, kjo gjendje u kalua dhe tani mund të kthehet në shoqëri. Duhet të ketë pasur dikë apo disa që e kanë mbrojtur.Ne zgjohemi në mënyrë traumatike kur ndodh një vrasje e frikshme si kjo. Kjo është një tragjedi e paralajmëruar.
Sot policia kontrolle të shumta. Është e pamjaftueshme, ‘tregoj muskujt në këtë moment pasi ndodhi ajo ngjarje’. Shteti duhet të jetë ai syri që i shikon të gjitha. Këtu ka një mungesë vëmendjeje. Të bësh politikë në Shqipëri është të shqyesh kundërshtarin politik. Kjo shqyerja e kundërshtarit konsiderohet të bësh politikë”, tha Zheji.
