Çekia regjistron mbi 22 mijë raste të reja me COVID-19

Republika Çeke raportoi të mërkurën 22,479 raste të reja me COVID-19, shifra më e lartë ditore në këtë vend që nga fillimi i pandemisë.

Të dhënat e publikuara nga Ministria e Shëndetësisë paraqesin rritje për 54 për qind krahasuar me një javë më parë.

Shifra thyen edhe rekordin e mëparshëm prej 17,778 infekimesh të regjistruar në muajin janar.

Autoritetet çeke raportuan edhe për 95 viktima, të cilat e çojnë në 31,709 numrin total të të vdekurve.

LEXO EDHE  Mjekët në Afrikën e Jugut thonë se të prekurit nga Omicron kanë simptoma të lehta

Aktualisht, rreth 57 për qind e qytetarëve çekë janë plotësisht të vaksinuar.

Masat e marra nga shteti çek janë mbajtja e maskave në ambiente të mbyllura dhe transport publik, dhe certifikata e vaksinimit ose teste negative për të hyrë në restorante dhe bare.

Autoritetet u kanë rezistuar rregullave më shtrënguese.