Përgjimet e Taçit/ Salianji: Jo vetëm zv.Kryeministri, por edhe një ministre Financash. Braçe “hedh topin” te Ahmetaj

Deputeti i Partisë Demokratike Ervin Salianji ka folur në Kuvend, pak momente pas sherrit me Erion Braçen, për shkak të akuzave të tij se socialisti është pjesë e përgjimeve të prokurorisë italiane në dosjen e biznesmenit Rezart Taçi.

Pas fjalës së Braçes, ku tha se ai nuk ka asnjë lidhje me biznesmenin Taçi, Salianji vijoi dhe më tej akuzat, duke thënë se në dosjen e prokurorisë italiane është dhe një ministre e Financave.

“Pyetja ishte e thjeshtë, nuk e di pse djeg kaq shumë, a është zv.kryeministri dhe ministrja e Financave në përgjimet e italianëve, nëse është parafolësi që flitet për para cash, dhe në Lagunën e Karavastasë, këto ua provoj kudo. Nuk është personale, e di si e kam unë me ty, vetëm këmbën lëviz.

Këto çështjet personale… Jeni që të gjithë të përfshirë ndaj reagoni, doni të largoni vëmendjen duke bërë zhurmë, çfarë drejtësie sociale. Ju që bëni të shqetësuarit më të mëdhenj, flisni ju për buxhet të drejtësisë sociale, ku taksat janë trefishuar, dhe ju talleni, duke rritur me 6% rrogat”, u shpreh Salianji.

LEXO EDHE  Zhduket një 54-vjeçar, i vëllai kërkon ndihmën e policisë

Por çfarë tha Braçe pas sherrit me Salianjin?

Deputeti socialist tha “dokumenti i përgjimit të Rezat Taçit mban datën 18 tetor 2021, unë e zotëroj të plotë dhe atëherë unë nuk kam qenë zv.kryeministër. Që në shtator ku është betuar qeveria unë kam qenë deputet. Që të jemi të qartë në lidhje me akuzat që përmendët.

Ka njerëz që paguhen për të shpërndarë akuza sa te njëri te tjerët dhe do jua provoj që paguhen me cash. O e kam denoncuar unë ARMO-n, o s’ka fol njëri në këtë sallë dhe madje e kam kallëzuar edhe në prokurori.

Një prokuror mori dosjen dhe fshiu gojën për të mos thënë një gjë tjetër. Mua me Rezart Taçin na ndan një oqean, as kam komunikuar me të, as kam mesazhe me të, dhe as nuk kam qenë ndonjëherë në televizionin e tij”.