Kryetari i PD-së, Lulzim Basha, duke iu përgjigjur Kryeministrit Edi Rama, i tha se është një zero dhe të bëjë kujdes me fjalorin që përdor ndaj deputetëve demokrat.
“Nëse ti e përdor këtë fjalor në shtëpinë tënde, shko dhe përdore atje. Ti je ai që ke qenë, ti je bosh, por kujdes me atë fjalor, që nëse je rritur në shtëpinë tënde dhe po rrit fëmijët e tu, shko përdore atje në familjen tënde.
Të ra goja me inceneratorët sepse ndani paratë me ta. Ke gënjyer, ke thënë do marrin 9 mln euro, por do të marrin 18 mln euro. Ti bën mashtrime ordinere, që i bën vetëm dikush që ose fut paratë në xhep, ose nuk e ka vendin këtu, por te pavioni i Mentor Petrelës”, tha Basha. Ai e cilësoi Ramën një mbeturinë të social-realizmit.
“Ke hyrë përdhunshëm në këtë sallë, por do vijë dita që do ta këndojnë edhe ty, do ta kvndojë populli shqiptar”, tha Basha.
“Si the do heqim skanimin, pra ti nuk do që skanimin ta bëjë një kompani amerikane? E di ti se çfarë bën skaneri, kap kokainën e shokëve të tu, ata e kapin me mekanizmat e tyre, atë që sdo të kapësh ti, dhe ia kalojnë edhe DEA-s, edhe autoriteteve italiane dhe atyre britanike. Kush i kap ato milionat që vijnë me Toyota Yaris? Skaneri i kap, dhe është një nga mekanizmat e vetëm që ka mbetur për të kapur drogërat dhe paratë cash, që po bën një transparencë të trekëndëshit mes politikës, krimit të organizuar dhe oligarkëve”, tha Basha.
