Blendi “çel Gonxhen” e re të lejes së qarkullimit, do të kushtojë plot 660 mijë euro. Ja si do të jetë!

Nga Boldnews.al

Para pak vitesh, sa herë ndërrohej qeveria, por edhe drejtori i Transportit Rrugor, ndryshoheshin edhe targat e automjeteve. Dikur ishin të kuqe. Më pas blu. Herën tjetër me Shqiponjë dhe herë tjetër me inicialet e shkronjave të qytetit: TR, DR, BR, SH etj.

Ndërkohë, prej vitësh targat nuk kanë ndryshuar, pasi kombinacionet me numrat dhe shkronjat janë të shumta. Diskutimi i socialistëve ka qenë ngjyra e Shqiponjës, e cila është aktualisht blu pasi u vendos nga qeveria Berisha.

Pas 2013-ës janë ndryshuar disa herë patentat, elementët e tyre, duke sjellë një kosto shtesë për pronarët e mjeteve. Dhe, duke qenë se hapësira ka qenë e paktë, drejtori i Transportit Rrugor, Blendi Gonxhe, ka menduar që të ndryshojë lejen e qarkullimit.

Aktualisht, DPSHTRR ka në “dorë” edhe kolaudimin, i cili ka të ardhura të shumta. Dhe, me këto të ardhura, po bën një tender të majmë.

LEXO EDHE  Oktapodi i inceneratorëve dhe njeriu me dy emra
Faksimile: Tenderi i Blendi Gonxhës është për prokat të lejeve të qarkullimit

Sipas dokumenteve që disponon BoldNews.al, Drejtoria e Përgjithshme e Transportit Rrugor ka hapur një tender mbi kufirin e lartë monetar.

“Kontrata nuk përbëhet nga shumë mallra dhe shërbime, por kërkohet prokurim vetëm për një artikull/mall objekt prokurimi, i cili është me elemente sigurie, duke patur parasysh specifikën e mallit herë pas here ka rritje të menjëhershme të kërkesës, ka numër serial unik progresiv për çdo prokat” thuhet në këto dokumente.

Sipas saj, objekti i kontratës është “blerje proka leje qarkullimi për mjetet rrugore”. Ndërkohë, vlera e tenderit është 68.324.000 lekë, por po t’i shtosh edhe TVSH-në vlera shkon në plot 660 mijë euro.

“Burimi i financimit është nga të ardhurat e brendshme të institucionit” thuhet në dokumentet e Blendi Gonxhes, ndërsa kohëzgjatja është 24 muaj duke filluar nga data e lidhjes së kontratës deri në përfundim të afatit të marrëveshjes kuadër për plotësimin e nevojave.