Ish-kryeministri Sali Berisha ka zhvilluar ditën e sotme një takim me anëtarët e Kryesisë që janë pro tij për mbledhjen e Kuvendit Kombëtar.
Burime për Euronews Albania bëjnë me dije se në takimin me Berishën kanë qenë prezentë: Belind Këlliçi, Edi Paloka, Albana Vokshi, Gent Strazimiri, Aldo Bumçi, Ivi Kaso dhe Flamur Noka.
Pak ditë më parë, ish-kryeministri Sali Berisha dorëzoi në PD 4200 firmat për mbajtjen e Kuvendit Kombëtar. Nëpërmjet tyre, Berisha kërkon largimin e Lulzim Bashës nga drejtimi i partisë dhe marrjen vetë nën kontroll të partisë.
Kryetari i Këshillit Kombëtar të Partisë Demokratike, Edi Paloka, propozoi sot se firmat mund të verifikoheshin emër për emër tha dy prej Sekretarëve, Ivi kaso dhe Ervin Minarolli, ndërsa stoi palët që të caktonin nga një përfaqësues të tyre, për tiu bashkua procesit. Nuk dihet nëse Paloka do e paraqesë propozimin në fjalë zyrtarisht edhe në mbledhjen e Kryesisë.
