Tre pjesëtarë të një familjeje shqiptare raportohet se kanë humbur jetën në një aksident automobilistik në Greqi këtë të Hënë.
Sipas raportimeve të mediave greke, përplasja ka ndodhur në aksin Xyniada-Koromilia, Domokos. Makina me të cilën lëvizte familja shqiptare u përplas kokë më kokë me një cisternë.
Shoferi 46-vjeçar, gruaja e tij 43-vjeçare dhe vajza 22-vjeçare, të gjithë me kombësi shqiptare, u nxorën të pajetë nga makina, raportuan mediat helene.
Sipas të njëjtave burime, djali 17-vjeçar i familjes ishte me shenja jete dhe u transportua në spital. Raportohet se ndodhet jashtë rrezikut për jetën.
Gjeneralitetet e shqiptarëve nuk bëhen ende me dije.
