VIDEO-FOTO/ Dy tërmete të fuqishme në Lindjen e Mesme, humbje jete dhe të plagosur

Dy tërmete të fuqishme me magnitudë 6.3 dhe 6.4 goditën Iranin jugor të Dielën. Raportimet e para flasin për një humbje jete, disa të plagosur dhe ndërtesa të dëmtuara.

Sipas Qendrës Sizmologjike të Iranit, tërmeti i parë u shënua në orën 15:36 me orën lokale në një thellësi prej 18 kilometrash. Goditja e dytë ndodhi në 15:37, me një thellësi prej 10 kilometrash.

LEXO EDHE  Përpjekja e fundit e kancelares Merkel për të kontrolluar pandeminë

Sipas raportimeve të mediave vendase, një person humbi jetën dhe disa të tjerë janë plagosur. Viktima raportohet se ra në kontakt me energjinë elektrike pas shembjes së një shtylle korrenti.

Po ashtu, raportohet se ka shembje në banesa të vjetra.

Raportohet se lëkundjet janë ndjerë dhe në Duabi e Arabinë Saudite.