Sekretari i degës së PD në Elbasan Blendi Himçi, ka reaguar pas deklaratave të Sekretarit të Përgjithshëm demokrat, Gazment Bardhi, i cili në një konferencë për mediat, u shpreh se Suel Çela, i cili është një person problematik, me disa rekorde kriminale dhe sibjekt i OFL, është angazhuar në mbledhjen e firmave për Kuvendin e PD.
Por në një reagim pvr MCN TV, Himçi hedh poshtë deklarata të tilla.
Himçi thekson se nga 409 delegatë që ka PD e Elbasanit, kanë qenë 272 persona që kanë plotësuar formularin dhe kanë kërkuar mbajtjen e Kuvendit Kombëtar.
“Kurrësesi nuk ka pasur ndikim asnjë nga këta persona që ju përmendët. Kanë qenë gjithësej delegatë 272 nga 409 delegatë që kanë firmosur për thirrjen e Kuvendit Kombëtar të PD. Faktikisht unë do ta shprehja këtë një tymnajë që zoti Bardhi ka hedhur për procesin e mbledhjes së firmave, për plotësimin e formularit dhe për thirrjen e Kuvendit Kombëtar të PD”, tha Himçi.
