Rama: Synojnë rritjen e pagave për mësuesit me 40 përqind brenda mandatit, nëse s’ka ngjarje si tërmeti apo pandemia

Kryeministri Edi Rama lajmëroi rritje të pagave për arsimtarët gjatë një aktiviteti për prezantimin e buxhetit të arsimit, për vitin e ardhshëm.

Kreu i qeverisë tha se brenda mandatit të tretë syohet rritja e pagës së mësuesve me 40 përqind, nëse vendi nuk përballet sërish me ngjarje të paparashikuara si tërmeti apo pandemia.

“Vijon rritja e pagave për mësuesit dhe projeksioni i mandatit të tretë është që pagat të rriten pa diskutim edhe 32 përiqnd, por mundësisht të realizojmë objektivin e rritjes 40 përqind. Kur them mundësisht, kjo lidhet jo vetëm me ça ne dimë sot dhe mund të verifikojmë, por lidhet dhe me ç’ka s’dimë dhe mund të na shfaqet përpara. Tani jemi të vetëdijshëm se sa shumë ndërhyjnë në jetët dhe planet tona ngjarje që nuk janë në mundësitë tona për tu parashikuar dhe imponojnë ndryshime thelbësore të planeve”, tha Rama duke përmendur tërmetin e pandeminë.

Detaje për buxhetin dha edhe ministrja e Arsimit, Evis Kushi.

“Mbështetja jonë për arsimin do të vazhdojë pa u ndalur edhe përmes rritjes së vazhdueshme të pagave. Për këtë mandat objektivi është që pagat të rriten 32 përqind. Këtë e filluar që me buxhetin e parë. Për vitin 2022, pagat do të rriten me 6 përqind për të gjithë punonjësit mësimor, edukator dhe psikosocial, por një nga zërat më të rëndësishëm të buxhetit 2022 do të jetë përmirësimi i infrastrukturës arsimor. Gjatë viteve të kaluara, ne kemi ndërtuar apo rikonstruktuar më shumë se 300 shkolla në të gjithë vendin, pa përfshirë këtu 70 shkollat që sapo kanë përfunduar me programin e madh të rindërtimit, të gjitha sipas standardeve bashkëkohore. Ne jemi të vetëdijshëm që ne nuk kemi bëra sa duhet për infrastrukturën e brendshme të shkollave, për laboratorët e te tjera”, u shpreh ministrja Kushi.

LEXO EDHE  "Hape derën, jemi policia", si i grabitën 2 mln lekë qytetarit në banesë

Më tej, Kushi u shpreh se me buxhetin e vitit 2022, me një fond prej 950 milionë lekësh, ne do të sigurojmë mbulimin e shpenzimeve të transportit për rreth 35 mijë nxënës, si dhe transportin për 12 mijë mësues. “Duke filluar nga janari i vitit 2022, rimbursimi i biletës për transportin e nxënësve do të jetë 50% më i lartë”, tha ajo.

Lexo edhe:

Rama paralajmëron ndryshime të drejtorëve në shkolla: Ka që janë ‘out’, të ndërhyhet urgjent