Dështimi me hapjen e negociatave, Rama: Fajin e ka Bullgaria, po minon procesin

Kryeministri Edi Rama ka gjetur Bullgarinë si shkakun për mos hapjen e negociatave mes Shqipërisë dhe BE-së. Në një intervistë për “France 24”, Rama tha se Shqipëria i ka plotësuar të gjitha kushtet për sa i përket integrimit në BE, por procesi sipas tij po minohet nga veto e vendosur prej Bullgarisë ndaj Maqedonisë së Veriut.

“Po, jemi në një situatë absurde, për t’ju thënë të pavërtetën sepse Shqipëria i është një dëm kolataral i një situate konflitkuale mes Bullgarisë dhe Maqedonisë pasi ka marrë dritën jeshile jo vetëm nga komision, por edhe PE.

Bullgaria ka kërkesa të karakerit historik ndaj Maqedonisë e prandaj mbetet e bllokuar. Që prej disa vitesh Franca kishte një qëndrim më pak entuziast që nuk lidhej me Shqipërinë apo me problemet tona, por ishte qëndrimi që lidhej me vizionin e presidentit francez që është një qëndrim i qartë dhe i shprehur për nevojën e thellimin e reformave në Evropë, që të ecej më shpejt me integrimin.

As presidenti francez, as Franca e Gjermania nuk kanë forcë të lëvizin Bullgarinë nga veto e vendosur. Kjo e bën procesin më të ndërlikuar. Çfarë vale emigrimi? Problemi i valës së emigrimit nuk varet me avancimin e procesit të integrimit, por është i lidhur me të kundërtën. Nuk shoh rrezik shqiptar për Evropën, përkundrazi Evropa ka mundur të thithë miliona të tjera në dëm. Evropa Perëndimore ka nevojë për fuqinë punëtore që ofrojnë njerëzit nga Evropa Lindore dhe Ballkani”, tha Rama.

LEXO EDHE  Zhduken 3 persona në Tiranë

Duke folur për korrupsionin, ai tha se ende është prezent në Shqipëri, por duke e krahasuar situatën me 8 vite më parë, sistemi i drejtësisë siç nënvizoi Rama është në tjetër nivel.

“Shembulli që sapo dhatë dhe nuk është i vetmi tregon se lufta ndaj korrupsionit ka shkuar në një nivel tjetër. Ne jemi vend që kemi edne probleme me korrupsionin por në krahasim me 8 vite më parë jeni në transformim të plotë të sistemit të drejtësisë, spastrim të të korruptuarve në sistemin e drejtësisë”, tha ai.

Më herët Rama akuzonte Holandën se bllokonte negociatat, më pas akuzonte Brukselin dhe disa vende skeptike, ndërsa tani rradhën e ka Bullgaria, që sipas tij, po minon proceset integruese. Në fakt, prej vitesh, nga Bundestagu gjerman, Shqipërisë iu renditën 15 kushte që duhej të plotësonte, mes të cilave edhe dënimi i krimeve zgjedhore.