Një sondazh i publikuar në Euronews Albania, nxjerr në pah se 55 % e shqiptarëve kanë një mendim negativ për Edi Ramën, por ai mbetet politikani më i pëlqyer krahasuar me liderët politikë në vend, ku përfshihet edhe Erjon Veliaj.
Bazuar te sondazhi Rama ka një pëlqyeshmëri prej 43 %, ndërsa nga opozita ku përfshihen Lulzim Basha, Monika Kryemadhi, Ilir Meta dhe Sali Berisha, ky i fundit kryeson renditjen me 28.1 % pëlqyeshmëri.
Pas Berishës në rradhët e opozitës renditet Lulzim Basha me 19.6 % pasuar nga Ilir Meta me 7.2 % dhe Monika Kryemadhi me 6.9 %.
Ndërkohë Erion Veliaj renditet pas Ramës në krahun e majtë me 39 % pëlqyeshmëri, por me 58 % negativitet.
Vrojtimi është kryer për Euronews Albania, nga MRB dhe Data Centrum, në shkallë vendi, në periudhën 20-29 tetor 2021.
Nëse merren të mirëqëna rezultatet dhe ballafaqohen me përballjet politike, duket se Berisha ka një pëlqyeshmëri më të lartë se Basha, ndërsa Rama ka një avantazh të lehtë përballë Veliajt, referuar mendimit negativ.
