Deputeti Belind Këlliçi u shpreh sot se çështja e thirrjes së Kuvendit Kombëtar të PD nuk është proceduriale, por politike.
Në emisionin Opinion, Këlliçi tha se në çdo krizë politike zgjidhja vjen nga institucionet.
“Duhet të shkojmë drejt votës, kjo do e zgjidhë krizën, nuk mund të trajtohet si një çështje procedurash”, tha Këlliçi.
Ai u shpreh se edhe vetë Basha duhet të jetë i interesuar për zgjidhjen e situatës.
“Janë demokratët që vendosin me votën e tyre lidhur me atë që po ndodh”, tha Këlliçi.
